Alat Musik Kanayatn

Alat Musik Dayak Kanayatn

ka' dalapm tradisi Kanayatn ada 7 ote' alat bamusik nang dinganal. dari 7 koa cuma sangahe nang masih dimake. pamakeatnnya koa lea ngirikngi' Jonggan. Nian ada sangahe alat nang masih dimake lea :

1. Dau
Dau, kade' ka' urakng iban dinyabut tawak. Dau ngian diameter atas saba' 25- 28 cm, babahnya 24-27 man bolatan bujalnya koa diameternya 3-4 cm. dau biasa dinyabut uga' man amadakng.
Dau ngian dinele' dari cara maini'nya ada 2 :
Dau Uwe' ngian nang mare' dasar bunyi dau, nadanya babah.
Dau Anak ngian nang nuna'an dau uwe'. Ia mare' bunyi melodinya, nadanya tingi, manyak variasinya.

Dama Dau :
1. nang paling enek dinyabut Panangkekng. do nya saoktaf labih tingi dari dasar. dingaranan sabalah keba' rancakan
2. nang banada 6 dinyabut panuna'. Dingaranan sabalah panangkekng.
3. nang banada 5 dinyabut Panyantel. Dingaranan sbalah panuna'.
4. nang banada 3 dinyabut panimpak. Dingaranan sabalah Panyantel
5. nang banada 2 dinyabut Panarodot. Dingaranan sabalah Panimpak
6. nang banada 1 babah dinyabut Paninga'. Dingaranan sabalah Panarodot
7. nang banada 6 babah dinyabut Panodot. Dingaranan sabalah Paninga'
8. nang banada 5 babah dinyabut Pangantor. Dingaranan sbalah Panodot
Dau 1-4 dinyabut anak. sisa'nya Uwe'


2. Gadobokng
Gadobokng ngkoa gendang nang di ngapakng waktu maini'nya. Gadobokng dinabah ba dua kokot/langan. Gadobokng biasa dimake waktu Jonggan. diameternya saba' 35 cm man panyakng 55 cm.

3. Tuma'
Tuma' ngkoa badiameter bolat saba' 20 cm man panyaknya saba' 112 cm. maini'nya di merengan nuna'an tubuh diri'.

4. Kubeh
Panyakngnya 2 meter. man diameter saba' 40 cm. biasa dimake waktu notoknga'. Maksud aya'nya ngian biar urakng sakampokng nangar man nauan kade' notokng dah mao' dimulei'.

5. Ganakng
Lea Gadobokng, di maini' dua urakng. seko' maini' anak, nang lain uwe'nya. diameternya 20 cm. panyakngnya 50 cm

6. Agukng
ada 8 ote' agukng nang dinau'anni' di urakng Kanayatn :kakanong, kampo/babaneh, kanayatn, katukekng, katukokng, katukukng, agukng man wayakng.dar lapan ote' koa nang biasa dimake ialah :
1. Agukng diameter depan 53cm, balakakng 47cm, man bunjal/pencon 12,5 cm
2. Katuku' diameter depan 49,5, balakang 42,5, man penconnya 12
3. Katukekng diameter depan 39,5 , balakang 35, penconnya 9,5
nada agukng sol babah, katuku' do, man katukekng mi.

7. Solekng
Dimanjoat dari buluh solekng. ada 2 ote' solekng :
1. Solekng maniamas. solekng nang buku'nya dingaraut man dingeneki' biar manjoat lubakng tiup. Pangkalnya dimare' buluh tipis ngalingkar sapanyakng bolat pangkal. Dimaini' cagat lea ampeatn
2. Solekng sabak. Solekng nang biasa dimaini' ka' jonggan. Panyakngnya 45 cm man diameter 2,5 - 3 cm.Dimake manjoat intro man coda ka' lagu.